QR Aýyl sharýashylyǵy ministriniń buiryǵymen Serǵazy Baǵdatuly Omash Qazaqstan Respýblikasy Aýyl sharýashylyǵy ministrliginiń Jer resýrstaryn basqarý komitetiniń tóraǵasy laýazymyna taǵaiyndaldy.
Serǵazy Omash 1979 jyly Qaraǵandy oblysynda dúniege kelgen. RF Prezidenti janyndaǵy Resei halyq sharýashylyǵy jáne memlekettik qyzmet akademiiasyn (ekonomist), Qaraǵandy memlekettik tehnikalyq ýniversitetin (injener) jáne Qaraǵandy memlekettik tehnikalyq ýniversitetiniń «Femida» zań akademiiasyn (zańger) támamdaǵan.
Eńbek jolyn 2000 jyly Qaraǵandy qalasynyń Oktiabr aýdany boiynsha Salyq komitetiniń aqparattyq qamtamasyz etý jáne esep bóliminde salyq inspektory retinde bastaǵan.
2001–2009 jyldar aralyǵynda Qaraǵandy oblysynyń Qaraǵandy q. bailanys jáne aqparattandyrý basqarmasynda, Qaraǵandy oblysynyń Ishki ister departamentinde jumys istegen.
2009–2010 jyldary Astana q. QR Aqparattandyrý jáne bailanys agenttiginiń Aqparattyq tehnologiialar departamentiniń bas sarapshysy, aqparattandyrý salasyndaǵy memlekettik saiasatty iske asyrý basqarmasynyń basshysy laýazymyn atqarǵan.
2010–2012 jyldary — Astana q. QR Bailanys jáne aqparat ministrliginiń Aqparattyq tehnologiialar departamentiniń aqparattandyrý salasyndaǵy memlekettik saiasatty qalyptastyrý basqarmasynyń basshysy.
2012–2013 jyldar aralyǵynda — QR Kólik jáne kommýnikatsiialar ministrliginiń Kóliktik baqylaý komiteti tóraǵasynyń orynbasary.
2013 jyldan bastap qazirgi ýaqytqa deiin Qazaqstan Respýblikasy Joǵarǵy Soty janyndaǵy (Qazaqstan Respýblikasy Joǵarǵy Sotynyń Apparaty) Sottardyń qyzmetin qamtamasyz etý departamentiniń aqparattyq tehnologiialar jáne aqparattyq resýrstardy qorǵaý bóliminiń meńgerýshisi qyzmetin atqardy.
.jpeg)