QR Úkimetiniń Qaýlysymen Murat Barituly Temirjanov Qazaqstan Respýblikasy Aýyl sharýashylyǵy ministrligi jer resýrstaryn basqarý komitetiniń tóraǵasy qyzmetine taǵaiyndaldy. Bul týraly QR Premer-Ministriniń baspasóz qyzmeti habarlady.
Murat Temirjanov 1977 jyly Aqmola oblysynda týǵan.
Sh. Ýálihanov atyndaǵy Kókshetaý ýniversitetin, Qazaq gýmanitarlyq zań ýniversitetin bitirgen.
Eńbek jolyn 1998 jyly Kókshetaý qalasynda salyq inspektory bolyp bastaǵan.
2001 jyly Zerendi aýdany boiynsha salyq basqarmasy tóraǵasy orynbasarynyń mindetin atqarýshy boldy.
Túrli jyldary jeke menshik qurylymdarda basshylyq qyzmetter atqardy.
2013-2014 jj. QR Prezident Ákimshiligi Qaýipsizdik Keńesiniń sitýatsiia ortalyǵynyń konsýltantynyń mindetin atqarýshy, konsýltanty boldy.
2016-2021 jyldary — VI shaqyrylymyndaǵy Qazaqstan Respýblikasy Parlament Májilisiniń depýtaty, agrarlyq máseleler komitetiniń múshesi.
Biylǵy qańtar aiynan bastap qazirgi ýaqytqa deiin — QR aýyl sharýashylyǵy ministriniń keńesshisi.
