Qostanai oblysyndaǵy Qarasý aýdanynda erekshe tabiǵi qubylys tabyldy, dep habarlaidy "Ult aqparat".
"Nasha gazeta" portalynyń habarlaýynsha, Qarasý aýdanyndaǵy egistikterdiń birinen turǵyndar jerdiń úlken tesilgen shuńqyrdy baiqaǵan. Aýdan ákimdigi shuńqyrdyń tabiǵi áserden paida bolǵanyn alǵa tartty.
"Aýylsharýashylyq jerinde mólsheri 3h4 metr jáne tereńdigi 10 m-ge deiin shuńqyr paida boldy. 2023 jyldyń kúzinen bastap jańbyr men qar túrinde jaýyn-shashyn men sýdyń kóp mólsherine bailanysty, sondai-aq biylǵy sý tasqynyna orai jer tolyǵymen sińirgen. Sonyń saldarynan jer asty sýlary da áser ete otyryp, topyraq jibip jer astyna opyrylǵan", – delingen habarlamada.
Oqiǵa ornynda túsirilgen kadrlardan úlken shuńqyrdyń ishinde kishkene tesik paida bolǵanyn jáne onyń tereńdigi áldeqaida tereńde ekenin kórýge bolady.
