Jer qoinaýyn paidalanýǵa berilgen búkil kelisimshart pen litsenziialarǵa taldaý jasaldy. Onyń nátijesi týraly QR Indýstriia jáne infraqurylymdyq damý ministri Qaiyrbek Óskenbaev aityp berdi, dep habarlaidy QazAqparat.
«Búgingi tańda qatty paidaly qazbalar boiynsha jer qoinaýyn paidalaný salasynda 499 kelisimshart jáne 1 738 litsenziia iske asyrylýda. Prezident tapsyrmasyna sáikes qazir búkil ken ornyn tekserip jatyrmyz. Jer qoinaýyn paidalanýǵa buryn-sońdy berilgen qoldanystaǵy barlyq kelisimshart pen litsenziialarǵa taldaý jasaldy. Bul - 2 myńnan astam qujat», - dedi Qaiyrbek Óskenbaev Úkimet úiinde ótken baspasóz máslihatynda.
Onyń aitýynsha, ministrlik qatty paidaly qazbalar boiynsha 202 kelisimshartty qaraǵan.
Nátijesinde 52 kelisimshart zańdy kúshin joiyp, buzýshylyqtardy joiý týraly 43 habarlama jiberildi.
«Osylaisha, 118 litsenziia toqtatyldy. Taldaý qorytyndysy negizinde qoldanystaǵy 1620 litsenziia boiynsha tiisti sharalar qabyldanady. Mindettemeni oryndaý kórsetkishi 100 paiyzdan tómen jer qoinaýyn paidalanýshylar tekseriledi», - dedi Óskenbaev.
