Jer qoinaýyn paidalaný salasynda taýarlardaǵy jergilikti qamtý jónindegi talaptar alyp tastalady. Bul týraly búgin Úkimet otyrysynda QR Indýstriia jáne infraqurylymdyq damý ministri Beibit Atamqulov aitty, dep habarlaidy "Ult aqparat".
«Búginde elimizde 994 jer qoinaýyn paidalanýshy tirkeldi. 2019 jyldyń qorytyndysynda jer qoinaýyn paidalanýshy kásiporyndardyń satyp alý kólemi 7,7 trln teńge boldy. Jergilikti qamtý úlesi - 45 paiyz. Biylǵy 9 aida qatty paidaly qazbalardy qospaǵanda, bul kórsetkish 3,8 trln teńgeni qurady. Jergilikti qamtý úlesi - 46,6 paiyz», - dedi ministr.
Onyń aitýynsha, Qazaqstannyń Dúniejúzilik saýda uiymyna kirý sharttary boiynsha 2021 jylǵy 1 qańtardan bastap kásiporyndarǵa kórsetiletin preferentsiialardy kezeń-kezeńmen alyp tastaý kózdelgen.
«Jer qoinaýyn paidalaný salasynda taýarlardaǵy jergilikti qamtý jónindegi talaptar alyp tastalady. Bul rette, jumystar men qyzmetter boiynsha jer qoinaýyn paidalanýǵa arnalǵan kelisimderdegi jergilikti qamtý úlesi 50 paiyzdan aspaityn bolyp belgilenedi», - dedi Beibit Atamqulov.
