Jer reformasy komissiiasynyń birinshi otyrysynda komissiia músheleri tarapynan 55 usynys aitylǵan. Bul týraly QR Aýyl sharýashylyǵy ministrligi jer reformasy komissiiasynyń ekinshi otyrysynda QR Premer-Ministriniń orynbasary Eraly Toǵjanov aitty, dep habarlaidy "Ult aqparat".
«Jer reformasy jónindegi komissiia otyrysynda komissiia músheleri tarapynan 55 usynys aityldy. Onyń ishinde 15-i - quqyqtyq sipatta, 29-y - ekonomikalyq sipatta, 11-i uiymdastyrýǵa qatysty suraqtar boldy. Barlyq usynys jumys tobynda komissiia músheleriniń, jaýapty memlekettik organdardyń, sala mamandarynyń qatysýymen jan-jaqty qaraldy. Birqatar suraqtar boiynsha naqty sheshimder jobasy ázirlendi. Búgin júrgizilgen jumystyń qorytyndysyn talqylaimyz», - dedi QR Premer-Ministriniń orynbasary Eraly Toǵjanov jiynda.
Eske sala ketsek, jer reformasy komissiiasynyń ekinshi otyrysynda QR Premer-Ministriniń orynbasary Eraly Toǵjanov memleket basshysy Qasym-Jomart Toqaev jerdiń sheteldikterge berilmeitini jóninde naqty sheshim qabyldap, núktesin qoiǵanyn aitqan bolatyn.
