Jer reformasy jónindegi komissiia jeke turǵyn úi qurylysyna qajetti jerlerdi memleket muqtajdyqtaryna satyp alyp, halyqqa 10 sotyqtan taratyp berý máselesin sheshýdi usynyp otyr. Búginde oblys ortalyqtarynyń mańaiyndaǵy jerlerdiń basym bóligi aýyl sharýashylyǵyna tiesili, - dep habarlaidy Baq.kz tilshisi.
QR Premer-ministriniń orynbasary – QR Aýyl sharýashylyǵy ministri A.Myrzahmetov 10 sotyqtan jer berý máselesi óte ózekti. Sol sebepti Komissiianyń kúntártibinen túsken emes.
«Bul – óte mańyzdy másele. Óitkeni bizge túsip jatqan suraqtardyń 75 paiyzy jeke turǵyn úi qurylysyna jer berý máselesine bailanysty. Osy máseleni sheshý úshin mynandai usynys jasap otyrmyz. Zań júzinde jergilikti atqarýshy bilikke, iaǵni ákimdikterge aýyl sharýashylyǵy jerlerin memleket muqtajdyqtaryna satyp alýǵa quqyq berý kerek. Sonda qalalardyń, sonyń ishinde oblys ortalyqtary, aýdan men aýyldardyń tóńiregindegi jerlerdi satyp alyp, kezekti turǵan azamattardyń máselesin sheshýge bolady. Árine, odan keiin infraqurylym máselesi bar. Degenmen, dál qazir qolbailaý bolyp otyrǵan másele ol – jerdi memleket muqtajdyqtaryna satyp alý quqyǵynyń joqtyǵy», - deidi komissiia tóraǵasy Asqar Myrzahmetov.
Ministrdiń aitýynsha, búginde aýyl sharýashylyǵy jerlerin tek mektep, aýrýhana, balabaqsha siiaqty áleýmettik nysandardy salýǵa ǵana memleket muqtajdyqtaryna satyp alýǵa ruqsat bar.
Aita keteiik, búginde respýblika boiynsha jeke baspanany salýǵa niet bildirip, kezekke turǵan halyqtyń sany bir millionnan asyp jyǵylady.
.jpeg)