جەر رەفورماسى جٶنٸندەگٸ كوميسسييا جەكە تۇرعىن ٷي قۇرىلىسىنا قاجەتتٸ جەرلەردٸ مەملەكەت مۇقتاجدىقتارىنا ساتىپ الىپ, حالىققا 10 سوتىقتان تاراتىپ بەرۋ مەسەلەسٸن شەشۋدٸ ۇسىنىپ وتىر. بٷگٸندە وبلىس ورتالىقتارىنىڭ ماڭايىنداعى جەرلەردٸڭ باسىم بٶلٸگٸ اۋىل شارۋاشىلىعىنا تيەسٸلٸ, - دەپ حابارلايدى Baq.kz تٸلشٸسٸ.
قر پرەمەر-مينيسترٸنٸڭ ورىنباسارى – قر اۋىل شارۋاشىلىعى مينيسترٸ ا.مىرزاحمەتوۆ 10 سوتىقتان جەر بەرۋ مەسەلەسٸ ٶتە ٶزەكتٸ. سول سەبەپتٸ كوميسسييانىڭ كٷنتەرتٸبٸنەن تٷسكەن ەمەس.
«بۇل – ٶتە ماڭىزدى مەسەلە. ٶيتكەنٸ بٸزگە تٷسٸپ جاتقان سۇراقتاردىڭ 75 پايىزى جەكە تۇرعىن ٷي قۇرىلىسىنا جەر بەرۋ مەسەلەسٸنە بايلانىستى. وسى مەسەلەنٸ شەشۋ ٷشٸن مىنانداي ۇسىنىس جاساپ وتىرمىز. زاڭ جٷزٸندە جەرگٸلٸكتٸ اتقارۋشى بيلٸككە, ياعني ەكٸمدٸكتەرگە اۋىل شارۋاشىلىعى جەرلەرٸن مەملەكەت مۇقتاجدىقتارىنا ساتىپ الۋعا قۇقىق بەرۋ كەرەك. سوندا قالالاردىڭ, سونىڭ ٸشٸندە وبلىس ورتالىقتارى, اۋدان مەن اۋىلداردىڭ تٶڭٸرەگٸندەگٸ جەرلەردٸ ساتىپ الىپ, كەزەكتٸ تۇرعان ازاماتتاردىڭ مەسەلەسٸن شەشۋگە بولادى. ەرينە, ودان كەيٸن ينفراقۇرىلىم مەسەلەسٸ بار. دەگەنمەن, دەل قازٸر قولبايلاۋ بولىپ وتىرعان مەسەلە ول – جەردٸ مەملەكەت مۇقتاجدىقتارىنا ساتىپ الۋ قۇقىعىنىڭ جوقتىعى», - دەيدٸ كوميسسييا تٶراعاسى اسقار مىرزاحمەتوۆ.
مينيستردٸڭ ايتۋىنشا, بٷگٸندە اۋىل شارۋاشىلىعى جەرلەرٸن تەك مەكتەپ, اۋرۋحانا, بالاباقشا سيياقتى ەلەۋمەتتٸك نىسانداردى سالۋعا عانا مەملەكەت مۇقتاجدىقتارىنا ساتىپ الۋعا رۇقسات بار.
ايتا كەتەيٸك, بٷگٸندە رەسپۋبليكا بويىنشا جەكە باسپانانى سالۋعا نيەت بٸلدٸرٸپ, كەزەككە تۇرعان حالىقتىڭ سانى بٸر ميلليوننان اسىپ جىعىلادى.
.jpeg)