Senator Lázzat Rysbekova elimizdiń Premer-Ministriniń atyna joldaǵan depýtattyq saýalynda Batys Qazaqstan oblysyn jaryqpen qamtýdaǵy kúrdeli jaǵdai týraly málimdedi, dep habarlaidy QazAqparat.
Máseleni sheshý úshin 2020-2021 jyldary respýblikalyq jáne jergilikti biýdjetten 3 milliard teńgege jýyq qarajat bólinip, olar oblysta igerilip úlgermegendikten, bul qarjynyń bir bóligi biýdjetke qaitaryldy.
Lázzat Rysbekova jumystardy aiaqtaý úshin 1 mlrd 738 million teńge qajet ekenin aityp, bul qarjyny jylý elektr ortalyǵynyń týrboagregattaryn jóndeýge bólýdi surady. Áitpese, oraldyqtar birqatar qiyndyqqa tap bolýy múmkin.
«Birinshiden, taǵy bir týrboagregat isten shyǵatyn bolsa, Oraldaǵy JEO-ǵa qaraǵanda elektr energiiasyn baǵasy 1 kilovatt úshin joǵary bolatyn basqa energiia óndirýshi stantsiiadan satyp alý qajettigi týyndaidy, bul óz kezeginde óńirdegi elektr energiiasy tarifiniń ósýine alyp keledi. Ekinshiden, 2020-2021 jyldarǵa merdigerge avans tólendi. Jobany odan ári qarjylandyrý toqtatylǵan jaǵdaida avanstyq tólemniń qaitarylmaý qaýpi bar. Úshinshiden, osy joba aiasynda óndirýshi zaýyt týrboagregat daiyndaýdy is júzinde aiaqtady. Ony Oraldaǵy JEO-ǵa ornatý keshiktirilgen jaǵdaida, óndirýshi zaýyt jabdyqty basqa satyp alýshyǵa satýǵa quqyly. Týrboagregatty qaita daiyndaý 12 aiǵa sozylady», - dedi depýtat.
