2025 jylǵa qarai «Almaty Jylýelektr ortalyǵynyń» tabiǵi gazǵa ótýi aýaǵa taralatyn ziiandy zattardyń mólsherin 48,4 myń tonnaǵa deiin azaitady. Bul týraly qalalyq jasyl ekonomika basqarmasynyń basshysy Natalia Livinskaia aitty, dep habarlaidy QazAqparat.
«Karantin kezeńi aýanyń lastanýynyń kóp bóligi kólikten ekenin dáleldedi. Shekti ruqsat etilgen kontsentratsiia kórsetkishteri turaqty 5-ten 2-ge deiin tómendedi. Keibir zattardyń indeksi tómendedi, mysaly, fenol indeksi 60 ese, azot dioksidi 2 ese azaidy», - dedi Natalia Livinskaia.
Sonymen qatar, ol Almaty qalasynda atmosferalyq aýanyń jaǵdaiyn jaqsartý boiynsha 2020-2025 jyldarǵa arnalǵan keshendi sharalar jospary ázirlenip jatqanyn atap ótti.
«2022 jylǵa qarai aýaǵa lastaýshy zattardyń shyǵaryndysyn 123 myń tonnadan 94 myń tonnaǵa deiin tómendetý josparda. Al 2025 jylǵa qarai «JEO-2» gazǵa ótkenen keiin aýaǵa taralatyn ziiandy zattardyń mólsheri 48,4 myń tonnaǵa deiin azaiady», - dedi ol.
