10 shildede Almaty qalasynda úlken boks keshi ótip, sonyń aiasynda ringke buryn esh jeńilip kórmegen qazaqstandyq boksshy Sultan Zaýyrbek shyǵady, dep habarlaidy Sports.kz saity.
Otandyq boksshynyń qarsylasy Ulybritaniia ókili Ronni Klark (21-4, 10 KO) bolmaq. BoxRec.com málimetinshe, kezdesý jeńimpazyna WBO nusqasy boiynsha ekinshi jartylai jeńil salmaqta Eýropa chempionynyń titýly beriledi. Jekpe- jek on raýndtan turady.
Sultan Zaýyrbektiń sońǵy aiqasy ótken jyldyń sońynda Almatyda ótken. Onda tóreshilerdiń biraýyzdan qabyldaǵan sheshimimen Ýkraina faiteri Vladislav Melnikti (12-3, 7 KO) jeńdi.
Atap óteiik, buǵan deiin qazaqstandyq boksshy jastar arasynda WBC nusqasy boiynsha osy salmaq dárejesinde álem chempiony titýlyna ie bolǵan.
