10 شٸلدەدە الماتى قالاسىندا ٷلكەن بوكس كەشٸ ٶتٸپ, سونىڭ اياسىندا رينگكە بۇرىن ەش جەڭٸلٸپ كٶرمەگەن قازاقستاندىق بوكسشى سۇلتان زاۋىربەك شىعادى, دەپ حابارلايدى Sports.kz سايتى.
وتاندىق بوكسشىنىڭ قارسىلاسى ۇلىبريتانييا ٶكٸلٸ رونني كلارك (21-4, 10 كو) بولماق. BoxRec.com مەلٸمەتٸنشە, كەزدەسۋ جەڭٸمپازىنا WBO نۇسقاسى بويىنشا ەكٸنشٸ جارتىلاي جەڭٸل سالماقتا ەۋروپا چەمپيونىنىڭ تيتۋلى بەرٸلەدٸ. جەكپە- جەك ون راۋندتان تۇرادى.
سۇلتان زاۋىربەكتٸڭ سوڭعى ايقاسى ٶتكەن جىلدىڭ سوڭىندا الماتىدا ٶتكەن. وندا تٶرەشٸلەردٸڭ بٸراۋىزدان قابىلداعان شەشٸمٸمەن ۋكراينا فايتەرٸ ۆلاديسلاۆ مەلنيكتٸ (12-3, 7 كو) جەڭدٸ.
اتاپ ٶتەيٸك, بۇعان دەيٸن قازاقستاندىق بوكسشى جاستار اراسىندا WBC نۇسقاسى بويىنشا وسى سالماق دەرەجەسٸندە ەلەم چەمپيونى تيتۋلىنا يە بولعان.
