Foto: avtocod.ru
"Qazaqstannyń avtomobil biznesi qaýymdastyǵy" ókilderi jeńildetilgen nesie aiasynda qandai kólikter qoljetimdi bolatynyn aitty, - dep habarlaidy Tengrinews.kz saity.
"Osy baǵdarlama sharttary boiynsha avtoóndirýshiler kólikti 60 kúntizbelik kún ishinde jetkizýi kerek. Baǵdarlamaǵa qatysýshy avtosalonǵa kelip, menedjermen qajet modeldi, konfigýratsiiany jáne túsin talqylaidy. Kólik qolda bolsa, ony bank maquldaǵannan keiin birden satyp alady", - dedi "Qazaqstannyń avtomobil biznesi qaýymdastyǵynyń" memlekettik retteý jónindegi direktory Qairat Elamanov.
Onyń aitýynsha, kólik aldaǵy eki aida jetkizilse, avtonesiege qatysýshy ony brondai alady.
"Kólik jetkizilim josparynda bolmasa, menedjer 60 kún ishinde keletin balama nusqany tańdaýǵa kómektesedi.
Búginde baǵdarlama sharttaryna sáikes keletin 15 million teńgege deiingi kólikter barlyq óndirýshide bar. Munyń bári klienttiń qalaýyna bailanysty", - dedi Elamanov.
