Foto: Shoqan Alhabaev
Ónerkásipti damytý qory (ÓDQ) jeńildetilgen avtonesie baǵdarlamasyn júzege asyrý boiynsha aralyq nátije týraly aitty, - dep habarlaidy Tengrinews.kz.
"13 shildedegi jaǵdai boiynsha jeńildetilgen avtonesieleý baǵdarlamasyna qatysýshy bankter 90 milliard teńge somasyndaǵy 11 825 ótinimdi maquldady, ol boiynsha jalpy somasy 59,546 milliard teńgege 7 852 avtomobil berildi", - delingen habarlamada.
Ótinim qabyldaǵan bankter:
- "Eýraziialyq Bank" AQ 25,4 milliard teńge somasynda 3 248 ótinimdi maquldady;
- "Bank TsentrKredit" AQ 27,7 milliard teńge somasynda 3 647 ótinimdi maquldady;
- "Qazaqstan Halyq banki" AQ 23,1 milliard teńge somasynda 3 009 ótinimdi maquldady;
- Forte Bank AQ 14,4 milliard teńge somasynda 1 921 ótinimdi maquldady.
"Qazir qatysýshy bankter avtonesie berý boiynsha qorytyndy rásimderdi júrgizýge bailanysty qarjylandyrý limiti bosatylǵanǵa deiin ótinimderdi qabyldaýdy ýaqytsha toqtatty", - dedi qor ókili.
Qor ókili limitter sheńberinde qarajat bolǵan jaǵdaida qatysýshy bankter ótinimderdi qabyldaýdy qaita bastaýdy josparlap otyrǵanyn atap ótti.
"Bul rette "Eýraziialyq bank" AQ 10 milliard teńge kólemindegi kezekti transhty alý rásimin bastady, ony kelesi aida aiaqtaý josparlanyp otyr", - dedi baspasóz qyzmeti ókilderi.
Jeńildetilgen avtokólik nesiesin qarjylandyrý baǵdarlamasy 30 jylǵa eseptelgen. Indýstriiany damytý qory ókili limitter tolyq igerilgennen keiin avtonesie berý revolver nesieleý mehanizmi negizinde júzege asyrylatynyn eske saldy.
Aita keteiik, sarapshylardyń baǵalaýynsha, 16 mamyrda bastalǵan jeńildetilgen avtonesieleý baǵdarlamasyna 10 myńǵa jýyq qazaqstandyq qatysa alady.
