فوتو: شوقان الحاباەۆ
ٶنەركەسٸپتٸ دامىتۋ قورى (ٶدق) جەڭٸلدەتٸلگەن اۆتونەسيە باعدارلاماسىن جٷزەگە اسىرۋ بويىنشا ارالىق نەتيجە تۋرالى ايتتى, - دەپ حابارلايدى Tengrinews.kz.
"13 شٸلدەدەگٸ جاعداي بويىنشا جەڭٸلدەتٸلگەن اۆتونەسيەلەۋ باعدارلاماسىنا قاتىسۋشى بانكتەر 90 ميلليارد تەڭگە سوماسىنداعى 11 825 ٶتٸنٸمدٸ ماقۇلدادى, ول بويىنشا جالپى سوماسى 59,546 ميلليارد تەڭگەگە 7 852 اۆتوموبيل بەرٸلدٸ", - دەلٸنگەن حابارلامادا.
ٶتٸنٸم قابىلداعان بانكتەر:
- "ەۋرازييالىق بانك" اق 25,4 ميلليارد تەڭگە سوماسىندا 3 248 ٶتٸنٸمدٸ ماقۇلدادى;
- "بانك تسەنتركرەديت" اق 27,7 ميلليارد تەڭگە سوماسىندا 3 647 ٶتٸنٸمدٸ ماقۇلدادى;
- "قازاقستان حالىق بانكٸ" اق 23,1 ميلليارد تەڭگە سوماسىندا 3 009 ٶتٸنٸمدٸ ماقۇلدادى;
- Forte Bank اق 14,4 ميلليارد تەڭگە سوماسىندا 1 921 ٶتٸنٸمدٸ ماقۇلدادى.
"قازٸر قاتىسۋشى بانكتەر اۆتونەسيە بەرۋ بويىنشا قورىتىندى رەسٸمدەردٸ جٷرگٸزۋگە بايلانىستى قارجىلاندىرۋ ليميتٸ بوساتىلعانعا دەيٸن ٶتٸنٸمدەردٸ قابىلداۋدى ۋاقىتشا توقتاتتى", - دەدٸ قور ٶكٸلٸ.
قور ٶكٸلٸ ليميتتەر شەڭبەرٸندە قاراجات بولعان جاعدايدا قاتىسۋشى بانكتەر ٶتٸنٸمدەردٸ قابىلداۋدى قايتا باستاۋدى جوسپارلاپ وتىرعانىن اتاپ ٶتتٸ.
"بۇل رەتتە "ەۋرازييالىق بانك" اق 10 ميلليارد تەڭگە كٶلەمٸندەگٸ كەزەكتٸ ترانشتى الۋ رەسٸمٸن باستادى, ونى كەلەسٸ ايدا اياقتاۋ جوسپارلانىپ وتىر", - دەدٸ باسپاسٶز قىزمەتٸ ٶكٸلدەرٸ.
جەڭٸلدەتٸلگەن اۆتوكٶلٸك نەسيەسٸن قارجىلاندىرۋ باعدارلاماسى 30 جىلعا ەسەپتەلگەن. يندۋسترييانى دامىتۋ قورى ٶكٸلٸ ليميتتەر تولىق يگەرٸلگەننەن كەيٸن اۆتونەسيە بەرۋ رەۆولۆەر نەسيەلەۋ مەحانيزمٸ نەگٸزٸندە جٷزەگە اسىرىلاتىنىن ەسكە سالدى.
ايتا كەتەيٸك, ساراپشىلاردىڭ باعالاۋىنشا, 16 مامىردا باستالعان جەڭٸلدەتٸلگەن اۆتونەسيەلەۋ باعدارلاماسىنا 10 مىڭعا جۋىق قازاقستاندىق قاتىسا الادى.
