2020 jyly Sybailas jemqorlyqqa qarsy qyzmettiń aldyna qoiylǵan mindetterdi oryndaý jáne tergeý sapasyn qamtamasyz etý boiynsha aýqymdy jumys júrgizildi.Bul týraly «Antikor ortalygy» alańynda Nur-Sultan qalasy boiynsha sybailas jemqorlyqqa qarsy is-qimyl departamentiniń basshysy Shyńǵys Qabdýla aitty, dep habarlaidy QazAqparat.
«Sońǵy 2 jyl ishinde respýblika boiynsha Sybailas jemqorlyqqa qarsy qyzmet tarapynan para berýdiń – 480, paraqorlyqta deldal bolýdyń – 37, ártúrli quqyqqa qaishy biznes jumysyna aralasýdyń – 713 deregi anyqtaldy. Eselengen aiyppuldardy alatyn bolsaq, onda para berýshiler men deldaldar 2 jyl ishinde biýdjetke 600 mln. teńge tóledi», - deidi Nur-Sultan qalasy boiynsha sybailas jemqorlyqqa qarsy is-qimyl departamentiniń basshysy Shyńǵys Qabdýla.
Onyń aitýynsha, elordada Sotqa deiingi tergep-tekserýdiń biryńǵai tiziliminde 192 qylmystyq is tirkelip, sotqa 126 is joldandy.
«Qylmystyq qýdalaý 97 adamǵa qatysty boldy, onyń ishinde 6 – respýblikalyq jáne 4 – oblystyq deńgeide júzege asyryldy. Sotqa 45 azamat berildi, olardyń 25-i sottaldy, taǵy 18-ine qatysty sot sheshimi áli shyqqan joq», - deidi ol.
