«Transparency Kazakhstan» qoǵamdyq qory qazaqstandyqtar kóbinese qai mekemelerdiń jumysyna shaǵymdanatynyn jariia etti, dep habarlaidy QazAqparat.
«Ashyq dialog» portalyn taldaý nátijeleri Sybailas jemqorlyqqa qarsy is-qimyl agenttigi tóraǵasynyń, ishki ister, qarjy, densaýlyq saqtaý, ádilet, eńbek jáne áleýmettik qorǵaý, tsifrlyq damý ministrleriniń, sondai-aq Memlekettik kirister komiteti tóraǵasynyń blogtaryna sybailas jemqorlyq týraly aqparatty jii joldaitynyn kórsetti. Óńirlik bóliniste shaǵymdar Almaty, Pavlodar oblystary jáne Almaty qalasy ákimderiniń blog-platformalaryna jii túsken», - deidi Ortalyq kommýnikatsiialar qyzmetinde ótken baspasóz máslihatynda «Transparency Kazakhstan» QQ atqarýshy direktory Olga Shiian.
Onyń aitýynsha ótinish berýshiler politsiianyń, aýdan ákimdikteriniń, memlekettik aýrýhanalar men emhanalardyń, salyq organdary men jeke sot oryndaýshylarynyń jumys sapasyna narazylyq bildirgen.
«Saýalnamaǵa qatysýshylardyń pikirinshe, áýre-sarsańǵa salý, memlekettik organdardyń ótinish berýshilerdiń máselelerin qaraýdaǵy áreketsizdigi, qyzmetkerlerdiń biliksizdigi jáne memlekettik derekqorlardaǵy tehnikalyq qateler men qate málimetterdiń bolýy - shaǵymdardyń negizgi sebepteri bolǵan», - deidi ol.
