Sybailas jemqorlyqqa qarsy is-qimyl agenttiginiń ókilderi «Bolashaq» baǵdarlamasy aiasynda bilim alǵandardy qarjylandyrý máselesine qatysty tekserý júrgizedi, dep habarlaidy QazAqparat.
Brifing barysynda QR Sybailas jemqorlyqqa qarsy is-qimyl agenttigi «Bolashaq» halyqaralyq baǵdarlamalar ortalyǵy» AQ-nyń óziniń bastamasy boiynsha júrgizgen Ortalyqtyń qyzmetindegi sybailas jemqorlyq táýekelderine ótkizilgen syrtqy taldaý qorytyndylaryn jariialady.
Agenttiktiń Preventsiia departamenti jemqorlyq táýekelderin taldaý basqarmasynyń asa mańyzdy ister jónindegi ofitseri Ainagúl Karipovanyń sózine qaraǵanda, taldaý kezinde táýekelderden bólek, ereje buzý oqiǵasy anyqtaldy. Bul rette kemshilikterdiń basym bóligin Bilim jáne ǵylym ministrliginiń, sondai-aq Ortalyqtyń óziniń aýditorlyq tekseristeri anyqtady.
«2016 jyldan beri ortalyqtyń qarjylyq eseptiligi eskertýmen bekitilgen. Barlyq syrtqy aýditter málimetter shynaiy ári tiisti dárejede kórsetilgeni týraly senimdim dálelderdiń joqtyǵyn atap ótken. Buǵan qarjylandyrylǵan ári oqyp júrgen stipendiattar sany týraly túrli tsirflar dálel bola alady. Málimetter eki derbes aqparattyq júielerde saqtalǵan, iaǵni «1S-býhgalteriia» men «e-Bolashaqta». Ár jyldary úilespeitin kórsetkish 68-den 214 adamǵa deiin jetken. Bul óz kezeginde oqýdy tóleýge bólinip, óziniń rastalaýyn tappaǵan biýdjet qarjysynyń 10 paiyzdan astamy. Atalǵan faktiler boiynsha agenttik tekserý júrgizedi», - Ainagúl Karipova.
Sonymen qatar ol byltyr atalǵan eki júieniń integratsiiasy qarastyrylǵanyn, satyp alýlar týra shart bekitilgenin atap ótti.
«Bul turǵyda tólem 100 paiyz jasalǵanymen, tiisti sharalar sońyna deiin is júzinde oryndalmaǵan. Integratsiia stipendiattardy esepke alýdy uiymdastyrý týraly barlyq máseleni sheshýge múmkindik beredi», - dep atap ótti Agenttik ókili.
