Jemqorlyq faktilerin áshkerelegen 9 qazaqstandyqqa 1,5 mln teńge berildi.
Bul týraly búgin QR Sybailas jemqorlyqqa qarsy is-qimyl agenttigine qarasty Strategiia jáne jedel basqarý departamentiniń basshysy Rinat Qabiev aitty, dep habarlaidy QazAqparat.
«Jemqorlyq faktileri týraly habarlaǵan belsendi azamattyq ustanymy bar el turǵyndaryn yntalandyrý tájiribesi de bar. Aitalyq, 2019 jyly Call-ortalyqqa túsken shaǵymdar boiynsha sotta qaralǵan qylmystyq ister boiynsha 9 azamatqa 126 250 teńgeden 176 750 teńgege deiin, jalpy 1,5 mln teńgege jýyq syiaqy berildi», - dedi ol.
Sonymen qatar ol sybailas jemqorlyqqa qarsy qyzmet qyzmetkerleriniń ústinen de shaǵym túsetindigin aitady. Degenmen, mundai shaǵymdardy agenttiktiń Ózindik qaýipsizdik qyzmeti tyńǵylyqty tekseredi.
Departament basshysynyń dereginshe, Call-ortalyqqa kelip túsetin shaǵymdardyń basym bóligi Túrkistan oblysyna tiesili. Bul óńirden ótken jyly 148 shaǵym túsken. Odan keiin Almaty oblysy (137) men Almaty qalasynan da (112) shaǵym jii túsedi.
