Sońǵy 5 jylda jemqorlyq qylmystardyń nátijesinde 70 mlrd. teńge shetel asyp ketken, dep habarlaidy "Ult aqparat" QazAqparatqa silteme jasap.
Bul týraly búgin Astanada QR Memlekettik qyzmet isteri jáne sybailas jemqorlyqqa qarsy is-qimyl agenttigi Tóraǵasynyń orynbasary Alik Shpekbaev málim etti.
«Sońǵy 5 jylda jemqorlyq qylmystardyń nátijesinde 70 mlrd. teńge shetel asyp ketken. Halyqaralyq izdeýde júrgen 47 jemqordyń 28-i jaqyn jáne alys shet memleketterden elge ekstraditsiialandy», - dep atap ótti ol «Sybailas jemqorlyqqa qarsy is-qimyldyń jańa tetikterin júzege asyrýdyń praktikalyq tájiribesi: jetistikter jáne halyqaralyq yntymaqtastyq» atty halyqaralyq konferentsiiada.
Sonymen qatar vedomstvo ókili elimizde sońǵy eki jylda jemqorlyq faktileri men ustalǵan laýazymdy tulǵalar boiynsha statistikany keltirip ótti.
«Eki jyl ishinde 1800 laýazymdy tulǵa jaýapqa tartyldy. Onyń ishinde 21 tulǵa respýblikalyq deńgeide, 120 - oblystyq, 313 - qalalyq jáne aýdandyq aýqymdaǵy tulǵalar. Jemqorlyq boiynsha keltirilgen shyǵyn 48,5 mlrd. teńgeni qurady, tárkilengen múlik somasy 32 mlrd. teńge deńgeiinde tirkeldi», - dedi A. Shpekbaev.
Aita ketken jón, halyqaralyq konferentsiia jumysyna QR Memlekettik qyzmet isteri jáne sybailas jemqorlyqqa qarsy is-qimyl agenttiginiń Tóraǵasy Qairat Qojamjarov, QR Memlekettik hatshysy Gúlshara Ábdiqalyqova jáne ózge de laýazymdy tulǵalar, BUU DB Qazaqstandaǵy turaqty ókili N. Shimomýra, Qazaqstandaǵy shetel diplomatiialyq missiialarynyń basshylary qatysty.
