Foto: primeminister.kz
Jemqor sheneýnikterden tárkilengen qarjy 72 jańa mekteptiń qurylysyna jumsalady, - dep habarlaidy "Ult aqparat" Úkimettiń baspasóz qyzmetine silteme jasap.
QR Úkimeti sybailas jemqorlardan sot arqyly alynyp, memleketke ótken aqshalai qarajatty mektepterdiń qurylysyna berý tetigin bekitti. Tiisti túzetýler engizilgen qaýlyǵa QR Premer-ministri Álihan Smaiylov qol qoidy.
"Búgingi tańda Bilim berý infraqurylymyn qoldaý qoryna 121,7 milliard teńge tústi. Sonymen qatar el basshylyǵynyń tapsyrmasy boiynsha Respýblikalyq biýdjet komissiiasy 106,7 milliard teńgeni quraityn 72 jobany qoldady. Atap aitqanda, 94,1 milliard teńge 85 myń oryndyq 69 mekteptiń qurylysyn aiaqtaýǵa; taǵy 12,6 milliard teńge úsh jańa nysannyń (eki aýysymda 1400 orynǵa arnalǵan eki mektep jáne 200 oryndyq mektep-internat) qurylysyn aiaqtaýǵa baǵyttalady.
Osylaisha, bul mehanizm úsh aýysymdy oqytý, apatty mektepter men oqýshy oryndarynyń jetispeýshiligi máselelerin sheshýge aitarlyqtai úles qosady", - delingen habarlamada.
