فوتو: primeminister.kz
جەمقور شەنەۋنٸكتەردەن تەركٸلەنگەن قارجى 72 جاڭا مەكتەپتٸڭ قۇرىلىسىنا جۇمسالادى, - دەپ حابارلايدى "ۇلت اقپارات" ٷكٸمەتتٸڭ باسپاسٶز قىزمەتٸنە سٸلتەمە جاساپ.
قر ٷكٸمەتٸ سىبايلاس جەمقورلاردان سوت ارقىلى الىنىپ, مەملەكەتكە ٶتكەن اقشالاي قاراجاتتى مەكتەپتەردٸڭ قۇرىلىسىنا بەرۋ تەتٸگٸن بەكٸتتٸ. تيٸستٸ تٷزەتۋلەر ەنگٸزٸلگەن قاۋلىعا قر پرەمەر-مينيسترٸ ەليحان سمايىلوۆ قول قويدى.
"بٷگٸنگٸ تاڭدا بٸلٸم بەرۋ ينفراقۇرىلىمىن قولداۋ قورىنا 121,7 ميلليارد تەڭگە تٷستٸ. سونىمەن قاتار ەل باسشىلىعىنىڭ تاپسىرماسى بويىنشا رەسپۋبليكالىق بيۋدجەت كوميسسيياسى 106,7 ميلليارد تەڭگەنٸ قۇرايتىن 72 جوبانى قولدادى. اتاپ ايتقاندا, 94,1 ميلليارد تەڭگە 85 مىڭ ورىندىق 69 مەكتەپتٸڭ قۇرىلىسىن اياقتاۋعا; تاعى 12,6 ميلليارد تەڭگە ٷش جاڭا نىساننىڭ (ەكٸ اۋىسىمدا 1400 ورىنعا ارنالعان ەكٸ مەكتەپ جەنە 200 ورىندىق مەكتەپ-ينتەرنات) قۇرىلىسىن اياقتاۋعا باعىتتالادى.
وسىلايشا, بۇل مەحانيزم ٷش اۋىسىمدى وقىتۋ, اپاتتى مەكتەپتەر مەن وقۋشى ورىندارىنىڭ جەتٸسپەۋشٸلٸگٸ مەسەلەلەرٸن شەشۋگە ايتارلىقتاي ٷلەس قوسادى", - دەلٸنگەن حابارلامادا.
