QR Ulttyq bankiniń tóraǵasy Erbolat Dosaev valiýtalyq naryqtaǵy jaǵdaidy baiandady, dep habarlaidy "Ult aqparat".
Eksporttaýshylardyń salyq tólemderin júzege asyrý úshin shetel valiýtasyn satý esebinen ósken ishki usynys pen qolaily ishki koniýnktýra biylǵy qarashada aiyrbas baǵamynyń bir AQSh dollary úshin 432,66-dan 425,07 teńgege deiin 1,8 paiyzǵa nyǵaitýǵa yqpal etti», - dedi Erbolat Dosaev Úkimet otyrysynda.
Ulttyq bank basshysy birneshe vaktsinanyń sátti synaqtary týraly habarlar men AQSh-taǵy prezidenttik bilikti resmi berýdiń bastalýy táýekeldi aktivterge suranysty arttyrǵanyn atap ótti. Osylaisha, qarasha aiynda munai baǵasy barreline 37,5 dollardan 47,6 dollarǵa deiin 27%-ǵa ósken.
OPEK+ óndirýdiń meilinshe qalypty qarqynmen ulǵaitý sheshiminen keiin jeltoqsanda munaiǵa baǵa belgileý senimdi ósip keledi. AQSh dollary indeksiniń tómendeýi damýshy elder valiýtalarynyń dinamikasyna oń áserin tigizdi. Máselen, Braziliia realy bir aida 6,6%, Túrik lirasy – 6,2%, Resei rýbli – 3,7%-ǵa deiin nyǵaidy», - dep atap ótti Dosaev.
Kepildik transfert sheńberinde Ulttyq qor aktivterin konvertatsiialaý jáne kvazimemlekettik sektor kompaniialarynyń eksporttyq valiýtalyq túsiminiń bir bóligin mindetti túrde satýy biylǵy qarashada valiýta naryǵynyń teńgerimde bolýynyń qosymsha faktory boldy.
«Ai basynan beri aiyrbastaý baǵamy 1,2%-ǵa nyǵaiyp, 9 jeltoqsanda birjadaǵy saýda-sattyq qorytyndysy boiynsha bir AQSh dollary úshin 419,92 teńge boldy», - deidi Ulttyq bank tóraǵasy.
