Qazaqstanda turǵyndar suranysynyń artýyna bailanysty mereke kúnderi úsh baǵytta júretin qosymsha úsh poiyz qozǵalysy uiymdastyrylady. Bul týraly «Jolaýshylar tasymaly» AQ baspasóz qyzmeti habarlady.
Qosymsha poiyzdar kelesi baǵyttar boiynsha júredi:
Almaty-2 - Shymkent - aǵymdaǵy jyldyń 14, 28 jeltoqsan kúnderi «Almaty-2» vokzalynan jáne 15, 29 jeltoqsan kúnderi Shymkentten shyǵatyn 2 reis.
Astana-1 - Pavlodar - aǵymdaǵy jyldyń 14, 18, 28 jeltoqsan kúnderi «Astana-1» vokzalynan jáne 15, 19, 31 jeltoqsanda Pavlodar qalasynan shyǵatyn 3 reis.
Astana-1 - Almaty-1 - aǵymdaǵy jyldyń 30 jeltoqsanynda «Astana-1» vokzalynan jáne 31 jeltoqsanynda Almaty-1 vokzalynan shyǵatyn 1 reis.
Sondai-aq, aǵymdaǵy jyldyń 9 jeltoqsanynan bastap «Qaraǵandy-Tomsk» baǵytyndaǵy №363/364 jańa baǵdar iske qosylady.
Mereke kúnderi joǵry suranysqa ie baǵyttar boiynsha jolaýshylardy tasymaldaýǵa 700-den astam qosymsha tirkeme vagondaryn engizý josparlanyp otyr:
QR Tuńǵysh Prezidenti kúnine - 200-den astam vagon (2018 jyldyń 30 qarashasynan 4 jeltoqsanǵa deiin)
QR Táýelsizdik kúni - 250-den astam qosymsha vagon (2018 jyldyń 15-19 jeltoqsan kúnderi)
Jańa jyl merekesine - 250-den astam qosymsha vagon (2018 jyldyń 28 jeltoqsan - 3 qańtar aralyǵynda)
Tolyq aqparat alý úshin jolaýshylardyń temirjol vokzaldarynyń anyqtama bólimderine nemese 105 biryńǵai anyqtama qyzmetine habarlasýyna bolady.
