2021 jyldyń sońǵy aiynda Baiqońyr ǵarysh ailaǵynan 3 ushyrylym jasaý josparlanyp otyr, dep habarlaidy QazAqparat.
Eske sala ketsek, 2021 jyldyń 24 qarashasynda «Progress M-ÝM» kóliktik júk kemesi men «Prichal» túiindi modýli bar «Soiýz-2.1b» zymyran-tasyǵyshy sátti ushyryldy. «Prichaldyń» Halyqaralyq ǵarysh stantsiiasymen sátti túiisýin Nur-Sultan ýaqytymen saǵat 20:30-dan bastap roscosmos.ru saitynan kórýge bolady. Bul – jyl basynan beri Baiqońyr ǵarysh ailaǵyndaǵy esep boiynsha 11-shi ushyrylym.
Josparǵa sáikes, 2021 jyldyń jeltoqsanynda Baiqońyrdan taǵy 3 ushyrylym belgilengen. 2021 jyldyń 8 jeltoqsanynda «Soiýz MS-20» kóliktik basqarylatyn kemesi bar «Soiýz-2.1a» zymyran-tasyǵyshyn ǵaryshqa jóneltý kózdelgen. Ekipajdar bir aptaǵa jýyq ýaqyt Baiqońyrda start aldyndaǵy daiarlyqtan ótip jatyr.
12 jeltoqsanda orta sanattaǵy «Ekspress-AMÝ3», «Ekspress-AMÝ»7 geostatsionarlyq telekommýnikatsiialyq apparattary bar «Proton-M/Briz-M» zymyran-tasyǵyshy ushyrylmaq. Al 27 jeltoqsanda Baiqońyrdan OneWeb spýtnikteriniń kezekti partiiasy tielgen «Soiýz-2.1b» zymyran-tasyǵyshyn ushyrý belgilendi.
