Almatyda jeltoqsan oqiǵasyna qatysqandarǵa 150 myń teńgeden úlestiriledi, dep habarlaidy QazAqparat.
Almaty ákminiń orynbasary Maqsat Qiqymovtyń aitýynsha, QR Táýelsizdik kúnin merekeleý qarsańynda ákimdik tiisti qujaty bar jeltoqsan oqiǵasyna qatysýshylarǵa jyl saiyn birjolǵy áleýmettik kómek tóleidi (150 myń teńge).
Qazirgi ýaqytta sanatorlyq-kýrorttyq emdeýdi usyný máselesi qarastyrylyp jatyr.
Áleýmettik qorǵaý maqsatynda Almaty qalasynda tirkelgen jáne turatyn basqa memleket aýmaǵyndaǵy urys qimyldarynyń ardagerlerine:
- Sanatorlyq-kýrorttyq emdelý – jan basyna shaqqandaǵy ortasha tabysty esepke almai, memlekettik bazalyq zeinetaqy tólemin esepke almai, alatyn zeinetaqy mólsheriniń 25%-yn tólei otyryp;
- Uly Otan soǵysyndaǵy Jeńis kúnine orai 100 myń teńge mólsherinde birjolǵy áleýmettik kómek kórsetý.
- Sondai-aq, Almaty qalasynda qalalyq qoǵamdyq kólikte (taksiden basqa) júrý úshin jeńildikti elektrondyq kólik kartasy engizildi (tegin).
