Qazgidromet jeltoqsan aiyna arnalǵan aýa raiy boljamyn jariialady, dep habarlaidy "Ult aqparat".
Jeltoqsannyń birinshi onkúndiginiń basynda jáne sońynda respýblikanyń soltústik bóliginde, ortalyǵynda jáne shyǵysynda kei jerlerde qar jaýady, burqasyn soǵady. Aýa temperatýrasynyń negizgi fony túnde -23-28°S, kúndiz -12-20°S bolady. Onkúndiktiń sońynda túnde -13-23°S deiin, kúndiz -5-13°S deiin aiazdyń álsireýi boljanady.
Elimizdiń batysynda antitsiklondyq aýa raiy basym, kóbinese jaýyn-shashynsyz aýa raiy kútiledi. Aýa temperatýrasy túnde -15-25°S, kúndiz -7-15°S shamasynda bolady. Birinshi onkúndiktiń sońynda frontaldy bólikterdiń ótýine bailanysty qar jaýyp, jel kúsheiedi, aýa temperatýrasy túnde -9-15°S, kúndiz 0, -5°S deiin kóteriledi. Qazaqstannyń ońtústik-batysynda túnde -2-10°S tan -8-16°S deiin, kúndiz -2+3°S tan -3-8°S-qa deiin temperatýranyń aýytqýy boljanady.
Respýblikanyń ońtústigi men ońtústik-shyǵysynda onkúndiktiń basynda jáne sońynda jaýyn-shashyn jaýady, onkúndiktiń basynda taý jáne taý bókterli aýdandarda qatty jaýyn-shashyn jaýady, kóbinese qar túrinde. Tuman, kóktaiǵaq jáne jeldiń kúsheiýi boljanady. Aýa temperatýrasy túnde -5-13°S-tan -10-20°S-qa deiin, kúndiz -5+5°S-tan -8-13°S-qa deiin tómendeidi.
Sonymen qatar, respýblikanyń soltústik, shyǵys jáne ortalyq óńirlerinde jeltoqsan aiynyń ortasynda termometr baǵanasy túngi saǵattarda -22-30°S-qa deiin, kúndiz -10-18°S-qa deiin tómendeidi;
Qazaqstannyń batysynda ekinshi onkúndiktiń basynda jáne sońynda aýa temperatýrasy túnde -10-18°S, kúndiz -5-13°S-qa deiin aitarlyqtai tómendeidi;
eldiń ońtústik bóliginde ekinshi onkúndiktiń ortasynda aýa temperatýrasy túnde -10-20°S-qa deiin, kúndiz -5-13°S-qa deiin tómendeidi.
Aidyń sońynda Qazaqstannyń barlyq aýmaǵynda aiazdyń álsireýi kútiledi.
