Áleýmettik jelilerde jarylystan keiingi Arys qalasynyń videosy tarady, dep habarlaidy QazAqparat tilshisi.
Jelide taraǵan videony Arys qalasynyń turǵyndarynyń biri kólikpen kele jatyp túsirgen bolýy kerek. Videony túsirip kele jatqan jigit úiler men ǵimarattardyń terezeleriniń bári synyp ketkenin aitady. Arystyń keibir turǵyndarynyń jarylys kezinde sapyrylysta tipti kóshege kólikterin, velosipedterin tastap ketkenin kórýge bolady.
«Qudai saqtasyn. Myna toihanany qara. Byt-shyty shyǵypty. Qalada saý tereze joq», - dep kórsetedi videony túsirgen turǵyn.
Eske sala ketsek, Arys qalasyndaǵy áskeri bólimniń qoimasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy
Arystaǵy jarylystan zardap shekkenderge kómek qolyn sozý maqsatynda elimizde «Arys, biz birgemiz» aktsiiasy bastaldy. Aktsiia aiasynda Túrkistan oblysy Arys qalasyndaǵy oqiǵadan zardap shekkenderge járdem berý úshin oblys ákimshiliginiń janynan ashylǵan «Túrkistan» korporativtik áleýmettik damý qoryna habarlasýyńyzǵa bolady.
