Messendjerlerde jaqyn arada vaktsina pasporty joq adamdar óz kólikterin otaldyryp, derbes kompiýterler men basqa da jabdyqtardy qoldana almai qalady degen habar tarady. Boljam boiynsha, vaktsinatsiia pasporttarynda «aqyldy» qurylǵylardy iske qosatyn QR kod bar. Bul kodtarsyz gadjetterdi paidalaný nemese kólikti otaldyrý múmkin bolmaidy eken. Bul - jalǵan, dep habarlaidy stopfake.kz saity.
QR kod, qarapaiym tilmen aitqanda, shtrihkodtyń jetildirilgen nusqasy. Ádette, QR kodtar kez kelgen aqparatty oqý úshin qoldanylady. Osyndai jetildirilgen shtrih-kodtardyń kómegimen taýar nemese qyzmet týraly derekterdi alýǵa, qujattyń, is-sharaǵa nemese qoǵamdyq kólikke bilettiń túpnusqalyǵyn tekserýge bolady.
Vaktsinatsiia pasportynda QR kod bar. Qazaqstandyq vaktsinalaý pasporttarynda olar qujattyń túpnusqalyǵyn tekserý úshin qyzmet etedi.
Eýroodaq elderindegi vaktsinatsiia pasporttarynda adamnyń qashan, qaida jáne qandai vaktsinamen egilgeni týraly mańyzdy aqparat berilgen. Bul týraly Eýropalyq komissiianyń resmi saitynda aitylǵan.
Mundai QR kodtar oqý qurylǵylaryna ziian keltire almaidy.
Kodty oqý úshin arnaiy qosymshasy bar smartfon nemese internetke qosylǵan kompiýter qajet. Kompiýterdegi kodty oqý úshin arnaiy saitqa kod keskinin júkteý kerek.
Kodta jazylǵan aqparatty qolmen de tekserýge bolady, biraq buǵan ýaqyt ketedi.
Kólikti basqarýdyń elektrondy blogy, kompiýter nemese ainalamyzdaǵy basqa qurylǵylar QR kodty ózdiginen tani almaidy.
Demek, vaktsinatsiialanbaǵan adamdar vaktsinatsiia pasportynyń QR-nan týyndaǵan teris áserge bailanysty avtomobilder men tehnikany paidalana almaidy degen habarlamalar jalǵan bolyp tabylady. Buǵan eshqandai ǵylymi negizdeme joq, al qujattardaǵy QR-kodtardyń mazmuny qupiia emes.
