مەسسەندجەرلەردە جاقىن ارادا ۆاكتسينا پاسپورتى جوق ادامدار ٶز كٶلٸكتەرٸن وتالدىرىپ, دەربەس كومپيۋتەرلەر مەن باسقا دا جابدىقتاردى قولدانا الماي قالادى دەگەن حابار تارادى. بولجام بويىنشا, ۆاكتسيناتسييا پاسپورتتارىندا «اقىلدى» قۇرىلعىلاردى ٸسكە قوساتىن QR كود بار. بۇل كودتارسىز گادجەتتەردٸ پايدالانۋ نەمەسە كٶلٸكتٸ وتالدىرۋ مٷمكٸن بولمايدى ەكەن. بۇل - جالعان, دەپ حابارلايدى stopfake.kz سايتى.
QR كود, قاراپايىم تٸلمەن ايتقاندا, شتريحكودتىڭ جەتٸلدٸرٸلگەن نۇسقاسى. ەدەتتە, QR كودتار كەز كەلگەن اقپاراتتى وقۋ ٷشٸن قولدانىلادى. وسىنداي جەتٸلدٸرٸلگەن شتريح-كودتاردىڭ كٶمەگٸمەن تاۋار نەمەسە قىزمەت تۋرالى دەرەكتەردٸ الۋعا, قۇجاتتىڭ, ٸس-شاراعا نەمەسە قوعامدىق كٶلٸككە بيلەتتٸڭ تٷپنۇسقالىعىن تەكسەرۋگە بولادى.
ۆاكتسيناتسييا پاسپورتىندا QR كود بار. قازاقستاندىق ۆاكتسينالاۋ پاسپورتتارىندا ولار قۇجاتتىڭ تٷپنۇسقالىعىن تەكسەرۋ ٷشٸن قىزمەت ەتەدٸ.
ەۋرووداق ەلدەرٸندەگٸ ۆاكتسيناتسييا پاسپورتتارىندا ادامنىڭ قاشان, قايدا جەنە قانداي ۆاكتسينامەن ەگٸلگەنٸ تۋرالى ماڭىزدى اقپارات بەرٸلگەن. بۇل تۋرالى ەۋروپالىق كوميسسييانىڭ رەسمي سايتىندا ايتىلعان.
مۇنداي QR كودتار وقۋ قۇرىلعىلارىنا زييان كەلتٸرە المايدى.
كودتى وقۋ ٷشٸن ارنايى قوسىمشاسى بار سمارتفون نەمەسە ينتەرنەتكە قوسىلعان كومپيۋتەر قاجەت. كومپيۋتەردەگٸ كودتى وقۋ ٷشٸن ارنايى سايتقا كود كەسكٸنٸن جٷكتەۋ كەرەك.
كودتا جازىلعان اقپاراتتى قولمەن دە تەكسەرۋگە بولادى, بٸراق بۇعان ۋاقىت كەتەدٸ.
كٶلٸكتٸ باسقارۋدىڭ ەلەكتروندى بلوگى, كومپيۋتەر نەمەسە اينالامىزداعى باسقا قۇرىلعىلار QR كودتى ٶزدٸگٸنەن تاني المايدى.
دەمەك, ۆاكتسيناتسييالانباعان ادامدار ۆاكتسيناتسييا پاسپورتىنىڭ QR-نان تۋىنداعان تەرٸس ەسەرگە بايلانىستى اۆتوموبيلدەر مەن تەحنيكانى پايدالانا المايدى دەگەن حابارلامالار جالعان بولىپ تابىلادى. بۇعان ەشقانداي عىلىمي نەگٸزدەمە جوق, ال قۇجاتتارداعى QR-كودتاردىڭ مازمۇنى قۇپييا ەمەس.
