Foto: depositphotos.com
Pavlodar oblysynda er adam Telegram messenderjeri arqyly 13 jastaǵy qyzben sóilesip, artynsha zorlap ketken, dep habarlaidy "Ult aqparat" Kazinform basylymyna silteme jasap.
Oblysta jasóspirim qyzdardy jynystyq qatynasqa májbúrleýdiń úsh birdei oqiǵasy keiingi bir apta kóleminde anyqtalyp otyr. Al, jyl basynan kámelet jasyna jetpegenderdiń jynystyq qol suǵylmaýshylyǵyna qarsy qylmystar boiynsha 10 fakti belgili bolǵan.
Bul týraly bala quqyqtary jónindegi óńirlik ýákil Sáýle Shákenova habarlady.
"Pavlodar oblysynda kámelet jasyna tolmaǵan 13, 16 jáne 17 jasar qyz balalardy zorlaý faktisi rastaldy. Alǵashqysy Ekibastuz qalasynda bolǵan. Er adam Telegram messenderjeri arqyly qyzben sóilesip, keiin onymen kezdesip, oiyndaǵy zulym áreketin júzege asyrǵan. Al, 16 jáne 17 jasar qyz balalar ózge óńirlerde turady. Olar ózderiniń zorlyq-zombylyqtyń qurbany bolǵany týraly eshkimge tis jarmaǵan. Barlyǵymen sóilestim. Qyzdardyń biri birneshe kún otyra almaǵanyn moiyndady. Qolyn ustaǵanymda dirildep, kóz jasyn tógip, jylady. Men bul jaǵdaiǵa onyń kináli emes ekenin túsindirýge tyrystym” – dedi Sáýle Shákenova.
Statistikaǵa qarai, zorlyq-zombylyq jasaityndar kóbine óz ákesi nemese ógei ákesi, otbasynyń ózge týystary, birge turatyndar, kórshileri, otbasynyń dostary bolyp shyǵady deidi ol.
Al, Pavlodar oblysy politsiia departamenti bastyǵynyń orynbasary Safýan Jampeiisov 16 jáne 17 jastaǵy qyzdardy zorlaý faktisi boiynsha bir kúdikti azamattyń ustalǵanyn málimdedi.
"Kámeletke tolmaǵandardy zorlaý faktisi boiynsha tergeý júrgizilip jatyr. Qajetti saraptamalar taǵaiyndaldy", – dedi ol.
