video kadry
Talǵar aýdanynyń oqý oryndarynyń birinde oqýshy soqqyǵa jyǵylǵan sát videoǵa túsip qalǵan, - dep habarlaidy Massaget.kz portaly.
Video avtorynyń aitýynsha, oqiǵa 20 qańtarda Almaty oblysy Talǵar aýdany Taldybulaq aýylynda bolǵan.
"№34 mektepte joǵary synyp oqýshylary 5-synyp oqýshysyn miy shaiqalǵansha soqqyǵa jyqqan. Olar aldymen mektepte, keiin kóshede urǵan. Mektep direktory, oqý bóliminiń meńgerýshisi politsiia men jedel járdem shaqyrmaǵan. Balany anasy aýrýhanaǵa apardy. Birinshi ret emes, shara qoldanyńyzdar. Ol - úsh balanyń anasy, jalǵyz tárbielep otyr", - delingen video sipattamasynda.
Almaty oblysy ákimdiginiń baspasóz qyzmeti ókili Talǵar aýdany Taldybulaq aýylyndaǵy Q. Ábdiǵulov atyndaǵy №34 mekteptiń 5 jáne 6-synyp oqýshylary arasynda tóbeles bolǵanyn málimdedi.
"Jábirlenýshiniń anasy politsiiaǵa aryz jazdy. Qazir bala "mi shaiqalýy" diagnozymen oblystyq balalar aýrýhanasynda jatyr. Bul is Talǵar aýdanynyń kámeletke tolmaǵandar jónindegi komissiianyń qaraýyna jiberildi. Mektepte túsindirý jumystary júrgizildi", - dedi Almaty oblysy ákiminiń baspasóz qyzmeti ókili.
