Jelide politseilerdiń tórt er adammen qaqtyǵysy túsirilgen video paida boldy. Oqiǵa Pavlodar dúkenderiniń birinde ornatylǵan beinebaqylaý kamerasyna jazylǵan, - dep habarlaidy pavon.kz.
Video kadrlarynan politseilerdiń qabyrǵaǵa taqalyp turǵan jigitterdi uryp-soqqanyn kórýge bolady, biri tipti otyrǵan er adamnyń basynan tebedi. Soǵan qaraǵanda, tártip saqshylary olardy qyzmettik kólikke otyrǵyzǵysy kelgen bolýy kerek.
Pavlodar oblystyq IID ókilderi bul málimetti rastady. "3 tamyzda 05.12-de 102 nómirine Esenaliev, 58 mekenjaiynda er adamdar tóbelesip jatyr degen habar tústi. Oqiǵa ornyna batalon bardy. Er adamdardy kólikke otyrǵyzý kezinde olar qarsylyq bildirdi, oǵan jaýap retinde politseiler kúsh qoldandy", - dep habarlady politsiiadaǵylar.
Al IID-niń Ózindik qaýipsizdik qyzmeti bul videony zerttegennen keiin politseilerdiń áreketinen ókilettikti asyra qoldanýdy anyqtaǵan. Bir politsei qazir ýaqytsha ustaý izoliatorynda. Al zardap shekkenderdiń olardyń ústinen sotaldy shaǵym túsirmegeni belgili boldy.
