Foto: Lada.kz
YNTYMAQ kásipodaǵynyń tóraǵasy Asqar Qoishybai Facebook-paraqshasynda "MAEK-Qazatomónerkásip" JShS qyzmetkerlerine beriletin syiaqy mólsheri kórsetilgen qujatty jariialap, bul máselege bailanysty Mańǵystaý oblysynyń Sybailas jemqorlyqqa qarsy qyzmet departamentine ún qatty, - dep habarlaidy Massaget.kz portaly "Lada" basylymyna silteme jasap.
"Basshylarymyz ózderine toqsandyq premiia aiamai alady eken, bizderge jumysshylarǵa bolsa 15 myń teńge beredi. Ádildik qaida sonda? Arbitraj komissiiasynyń kelisimi bos sóz bolǵany ma?!", - deidi Asqar Qoishybai.
Qujatta qyzmetkerlerge syiaqy 217 430 teńgeden 1 169 000 teńgege deiin beriletinin kórýge bolady.
Basylym bul máselege qatysty kásiporyn ókilderinen jaýap alatynyn jazǵan.
Aita keteiik, "MAEK-Qazatomónerkásip" - Mańǵystaý oblysynda energiiamen jabdyqtaýdyń iri kózi sanalatyn kópsalaly energetikalyq kásiporyn.
