© Reuters
"Groznyi" telearnasy Telegram-arnasynda jáne RT telearnasy 13 naýryzda Sheshenstan basshysy Ramzan Qadyrovtyń boljam boiynsha Ýkrainadaǵy áskeri qaqtyǵys aimaǵynda júrgeni týraly video jariialady, - dep habarlaidy Tengrinews.kz.
Videoda áskeriler Sheshenstan basshysyna jaǵdai týraly baiandap, shabýyldyń mán-jaiyn aityp jatyr.
"Siz bizge kórsetken strategiia 100 paiyz jumys istedi", - dedi áskerilerdiń biri.
Sonymen qatar, videoda Qadyrov: "Bizdiń maqsatymyz - Kievti basyp alý" dep aityp jatqany kórsetilgen.
Rolikte Qadyrov naqty Ýkrainada júrgeni ne áskerilermen kezdesip jatqany naqty aitylmaidy. Iaǵni túsirilim jasalǵan jer belgisiz.
Ýkrainalyq BAQ-tar barlaý qyzmetterine silteme jasap, video Ýkrainada túsirilgenin jazdy.
BAQ-ta Qadyrov Kievte júrgeni týraly aqparat taraǵannan keiin Zelenskiidiń keńse basshysynyń keńesshisi Aleksei Arestovich eger bul aqparat rastalsa, "qosalqy kúsh qondyrǵysy onyń (Qadyrovtyń - esk.) kózin joiatynyn" málimdedi.
Arestovichtiń málimdemesine Sheshenstan basshysy Telegram-arnasynda jaýap berdi.
"Nege "eger"? Videony kórmediń ba, álde úiińniń esigin qaǵaiyn ba?", - dep jazdy Qadyrov.
Artynsha, Qadyrov Jelide taraǵan videoda Gostemelde (Kiev mańyndaǵy aýyl) júrgenin aitty.
"Jaqynda senderden 20 shaqyrym jerde boldym... al qazir odan da jaqynmyn. Qanshalyq jaqyn ekenimdi taýyp kórińdershi", - dep jazdy Sheshenstan basshysy.
