Foto: @ Sahiba GAFAROVA, Twitter
Parlament Májilisiniń tóraǵasy Erlan Qoshanovtyń Ulybritaniia koroli III Charlzdiń táj kiiý rásimine qatysqan sýreti paida boldy, - dep habarlaidy Tengrinews.kz.
Londondaǵy táj kiiý rásiminen túsirilgen sýretti Ázerbaijan Milli Májilisiniń tóraǵasy Saǵiba Gafarova Twitter-degi paraqshasynda jariialady.
"Londondaǵy Vestminster abbattyǵynda Túrkiianyń vitse-prezidenti Fýat Oktai, Qazaqstan Parlamenti Májilisiniń tóraǵasy Erlan Qoshanov jáne Ózbekstan premer-ministriniń orynbasary Sardor Ómirzaqovpen Ulybritaniia koroliniń taqqa otyrý rásimi kezinde", - dep jazdy Gafarova sýretke.
Eske sala keteiik, Qazaqstannan Ulybritaniia koroli III Charlzdiń taqqa otyrý rásimine Májilis tóraǵasy Erlan Qoshanov qatysty. III Charlz ben hanshaiym Kamillanyń táj kigizý rásimi 6-mamyrda, patshaiym Elizaveta II qaitys bolǵannan keiin segiz aidan soń Vestminster abbattyǵynda ótti.
Sharaǵa 2 myńǵa jýyq qonaq qatysty, bul - Elizaveta II-niń taqqa otyrýyna qatysqandardyń tórtten biri ǵana. Bul tizimge koroldik otbasy músheleri, sheteldik memleket basshylary men qurmetti qonaqtar, ulybritaniialyq saiasi kóshbasshylar kiredi.
Táj kiiý kezinde Charlz 74 jasta boldy, sondyqtan ol monarh taǵyna otyrǵandardyń eń jasy úlkeni atandy. Korol óz antynda Ulybritaniiany jáne Dostastyqtyń 15 elin basqarýǵa, ol elderde ózi memleket basshysy bolýǵa, sonymen qatar zańdy jáne ádildikti meiirimdilikpen oryndaýǵa ýáde berdi.
Eske salaiyq, Ulybritaniia patshaiymy Elizaveta II 2022 jyly 8 qyrkúiekte 96 jasynda Shotlandiiadaǵy Balmoral saraiynda qaitys boldy. Onyń uly hanzada Charlz avtomatty túrde patsha boldy jáne Charlz III degen esimdi aldy.
