Ataqty akter Djeki Chan men qazaqstandyq ánshi Dimash Qudaibergenniń kezdesýinde túsirilgen video paida boldy, - dep habarlaidy "Ult aqparat" kaz.tengrinews.kz portalyna silteme jasap.
Videodan Dimashtyń kezdesýge bara jatqany hám onyń qalai ótkeni jaily kórýge bolady. Áigili akter jas oryndaýshyny erekshe iltipatpen qarsy aldy. Sonymen qatar, kadrlardan Djeki Channyń da án aitqanyn baiqaýǵa bolady. Aita keteiik, bul kadrlar 11 aqpanda ánshiniń tórtinshi kezeńge qatysýy aldynda kórsetilipti.
Eske salaiyq, akter men ánshi 6 aqpanda kezdesken bolatyn. "Búgin meniń ómirimde tarixi este qalatyn erekshe kún! Ataqty akter Djeki Chan myrza meni teledidardan kórip, kezdesýge shaqyrdy! Kezdesýde akter maǵan óziniń ekskliýzivti kúrteshesin jáne arnaiy firmalyq án tyńdaý qurylǵysyn syiǵa tartty! Al men akterge qazaqtyń shapanyn jaýyp, dombyrany syiǵa tarttym! Dombyramen bir kúi shertip berýimdi ótingen Djeki Chanǵa Nurǵisanyń "Álqisasynan" shashý shashtym!", - dep áserin bólisken edi ánshi.
