WhatsApp jelisinde dezinfektor qyzmetkeriniń kiimin kigen urylar týraly aýdiojazba tarap jatyr. Politseiler bul aqparattyń shyndyqqa janaspaitynyn málimdedi, dep habarlaidy "Ult aqparat".
«Bul – jalǵan aqparat, feikti taratqan qaskóilerdiń qoǵamda negizsiz dúrbeleń men qorqynysh taratýdy maqsat etip otyrǵany anyq. Osyǵan bailanysty, jalǵan habarlamanyń avtorlary mindetti túrde tabylyp, jaýapqa tartylatynyn málimdeimiz», - dedi Almaty qalasy Politsiia departamentiniń resmi ókili Saltanat Ázirbek.
Politsiia memlekettik organdardyń resmi aqparatyna ǵana súienýdi, messendjerler men áleýmettik jelilerdegi túrli málimetterge kúmánmen qaraýdy jáne bul aqparatty taratýmen ainalyspaýdy usyndy.
«Bul áreketter QR Qylmystyq kodeksiniń 274-babynyń 2-bóligine sáikes qylmystyq jaýapkershilikke ákep soǵady, ol úshin eki jyldan bes jylǵa deiin bas bostandyǵynan aiyrý túrinde jaza taǵaiyndalady», - dedi S. Ázirbek.
