Jelide Telegram-bot arqyly banktik chekti qoldan jasaǵan paidalanýshynyń videosy tarady. Kaspi.kz mamandary alaiaqtyqtyń bul túriniń qurbany bolmaýdyń joldarymen bólisti, dep habarlaidy Stopfake.kz saity.
Kaspi.kz mamandarynyń aitýynsha, qazirgi kezde jalǵan chekter shyǵaratyn bot buǵattaldy. Alaida, alaiaqtar grafikalyq redaktorlardyń jáne ózge de baǵdarlamalardyń kómegimen elektrondyq qujattardy qoldan jasaýy múmkin.
– Alaiaqtardyń qurbany bolmas úshin árqashan saq bolýǵa jáne Kaspi.kz mobildi qosymshasynda aqshanyń túskenin birden tekserýlerińizdi suraimyz . Qarajattyń árbir qozǵalysy: satyp alý, alý, tolyqtyrý nemese aýdarý boiynsha «Habarlamalar» servisi arqyly habarlama keledi. Sondai-aq, barlyq operatsiialardyń tarihyn Kaspi Gold-ta «Meniń Bankim» bóliminen kórýge bolady. Mundai qarapaiym saqtyq sharasy kóp ýaqytty qajet etpeidi, biraq barshańyzdy aldanyp qalýdan saqtaidy», – dedi Kaspi.kz mamandary.
