kollaj: Tengrinews.kz
Almatyda júrgizýshi áieldi úrkitip-qorqytqandardyń videosy tarady. Politsiia bul aqparatqa qatysty túsinik berdi, - dep habarlaidy Tengrinews.kz portaly Polisia.kz-ke silteme jasap.
Video kris_p_brothers Qazaqstan Instagram-paraqshasynda paida bolǵan.
"Meniń qurbym men kishkentai qyzy jaǵymsyz jaǵdaiǵa tap boldy. Ol kósheniń oń jaǵynda kele jatqan, artynan Nexia markaly kóligi qýyp jetip, toqtatýǵa májbúrlegen. Kólikten úsh er adam shyqqan. Olar kóliktiń esigin ashýǵa tyrysyp, "Shyq! Qazir sóilesemiz!" dep aiǵailaǵan", - deidi jazba avtory.
Onyń sózinshe, janjaldyń shyǵýyna áiel adamnyń kólikpen baiaý kele jatqany sebep bolǵan.
Almaty qalalyq Politsiia departamentiniń málimetinshe, áiel adam 10 qańtar keshke "102-ge" habarlasqan.
"Qazirgi ýaqytta Bostandyq aýdandyq politsiia basqarmasymen keshendi is-sharalar júrgizilip jatyr, nátijesinde kúdiktiler anyqtalyp, Qazaqstan Respýblikasynyń zańnamasyna sáikes jaýapkershilikke tartylatyn bolady", - delingen politsiia habarlamasynda.
