WhatsApp messendjerinde qoldanýshylar 10 jeltoqsannan bastap Atyraý qalasy karantinge jabylatyny týraly habarlama taratýda. Bul - feik, dep jazady "Ult aqparat" stopfake.kz saityna silteme jasap.
Aldaǵy ýaqytta lokdaýnnyń bolatyny týraly qaýesetti Atyraý oblysynyń ákimdigi joqqa shyǵardy.
– Bul aqparat negizsiz. Atyraý oblysynyń Bas memlekettik sanitariialyq dárigeriniń 2021 jylǵy 8 jeltoqsandaǵy № 24 «Atyraý oblysynyń Bas memlekettik sanitariialyq dárigeriniń 2021 jylǵy 29 qyrkúiektegi №23 «Atyraý oblysynda shekteý karantindik sharalary jáne olardy kezeń-kezeńimen jeńildetý týraly» qaýlysyna ózgerister men tolyqtyrýlar engizý týraly» qaýlysy shyqqan bolatyn. Atalǵan qaýlyda Atyraý oblysy tolyqtai karantinge jabý týraly málimet kórsetilmegen, – dep habarlady vedomstvodan.
Sondai-aq, olar jalǵan aqparat taratqany úshin jaýapkershilik qarastyrylǵanyn eske salyp, tek resmi aqparatqa ǵana senýge shaqyrdy.
