Áleýmettik jelide 3-synypqa arnalǵan "Ádebiettik oqý. 1-bólim" oqýlyǵy kórsetilgen video qyzý talqylanyp jatyr, - dep habarlaidy Tengrinews.kz.
Kadrlardan "Atamura" baspasynyń oqýlyǵy poligrafiialyq qatemen basylyp shyqqany kórinedi. Video avtory kitapty Almatydaǵy jeke dúkenderdiń birinen satyp alǵanyn aitady.
Oqý-aǵartý ministrliginiń Bilim mazmunyn saraptaý respýblikalyq ǵylymi-praktikalyq ortalyǵy ókili oqýlyq resmi dúkennen satyp alynbaǵanyn jáne kontrafakt ónim ekenin aitady.
"3-synypqa arnalǵan "Ádebiettik oqý. 1-bólim" oqýlyǵy memlekettik saraptama boiynsha maquldanǵannan keiin alǵash ret 2018 jyly "Atamura" baspasynan jaryq kórdi. Sol ýaqyttan bastap bul oqýlyqqa qatysty baspadan ketken qate týraly shaǵym túspedi. Ministrlik saityndaǵy oqýlyqtyń maquldanǵan, jalpyǵa qoljetimdi elektron nusqasynda mundai kemshilikter joq", - dedi vedomstvo ókili.
Jetisý oblysy Qaratal aýdanynyń Bilim bólimi málimetinshe, jergilikti mektep kitaphanalarynan mundai qatesi bar oqýlyq tabylmaǵan jáne biyl bul oqýlyq satyp alynbaǵan.
