Jeksenbi, 13 qyrkúiekte Nur-Sultan qalasynda qoǵamdyq kólik qozǵalysy bir kúnge toqtatylady, dep habarlaidy "Ult aqparat".
CTS kompaniiasynyń málimetinshe, bul kúni avtobýstar men avtoparkterde dezinfektsiialyq jumystar júrgiziledi. Senbi kúni qoǵamdyq kólik qalypty jumys isteidi. Jumys kestesi saǵaǵat 23:00-ge deiin jalǵasady.
Dúisenbi kúnnen bastap, 14 qyrkúiekte qalalyq jáne qala mańyna qatynaityn avtobýstar jelige shyǵady.
Eske sala keteiik, qoǵamdyq kólikke betperde taǵyp kirý kerek. Jol júrý aqysy tek elektrondy túrde tólenedi.
