Aqtaýda qalanyń birneshe aýdanynda jylqylar aǵash japyraǵyn jep júr. Turǵyndar jeksenbi kúni túsirilgen videony bólisýde, dep jazady Sputnik jergilikti "Lada" basylymyna silteme jasap.
"Jylqylar nege qalalyq saiabaqta butalardy syndyryp, japyraq jep júr? Bárinde en kórinedi, iesin anyqtaityn adam bar ma?", - dep shaǵymdandy Oksana esimdi qala turǵyny.
Mundai jaǵdaidy saiabaqtan bólek, 6-shy jáne 8-shi shaǵyn aýdan turǵyndary da kórgen.
Eske sala ketsek, Mańǵystaý oblysynda qýańshylyq saldarynan júzdegen jylqy qyryldy. Qazgidromet habarlaýynsha, óńirde jaýyn-shashyn mólsheri normasynyń 17 protsenti ǵana jaýǵan.
10 shildede úkimettiń keńeitilgen otyrysynda Qasym-Jomart Toqaev Mańǵystaý jáne Qyzylorda oblystaryndaǵy qaýańshylyqqa bailanysty aýyl sharýashylyǵy ministrligi men ákimdikter tarapynan tiisti sharalardyń qolǵa alynbaǵanyn erekshe atap ótti.
Onyń pikirinshe, ministrlik bul jumysty tiimdi uiymdastyra alǵan joq.
Sondyqtan osy salaǵa birden bir jaýapty tulǵa retinde ministr Saparhan Omarov otstavkaǵa ketti.
