«Samuryq-Qazyna» ulttyq ál-aýqat qory» AQ Basqarma tóraǵasy Ahmetjan Esimov 2018 jyly jekeshelendirý aiasynda kompaniiaǵa 230 mlrd teńge mólsherinde paida túskenin málimdedi, dep habarlaidy Baq.kz agenttigi.
«Jekeshelendirý keshendi baǵdarlamasy aiasynda 31 aktiv satyldy. Nátijesinde 230 mlrd teńge paida tústi», - dedi ol ótken jyldy qorytyndylaýǵa arnalǵan otyrysta.
Sonymen qatar Ahmetjan Esimov byltyr «QazAtomÓndiris» kompaniia aktsiialarynyń halyqaralyq IPO-ǵa shyǵarylǵanyn atap ótti.
«Bul 451 mln dollar paida tabýǵa múmkindik berdi. Qarjy ulttyq qorǵa tústi», - dep túiindedi sózin Basqarma tóraǵasy.
Aita keteiik, osyǵan deiin «Samuryq-Qazyna» ulttyq ál-aýqat qory ótken jyly qansha taza paida tapqanyn habarlaǵanbyz.
