Ortalyq kommýnikatsiialar qyzmetinde ótken dóńgelek ústelde QR Qarjy ministrligi memlekettik kirister komiteti tóraǵasynyń orynbasary Qairat Miiatov jeke tulǵanyń bankrottyǵy týraly zań jobasynyń negizgi erejelerin atady, dep habarlaidy QazAqparat.
Atalǵan sharada Qarjy ministrliginiń ókilderi men sarapshylar, qoǵamdyq uiym ókilderi Jeke tulǵanyń bankrottyǵy týraly zań jobasynyń talaptaryn talqylady.
Osy maqsatpen qurylǵan jumys toby zań jobasynyń alǵashqy nusqasyn ortaǵa saldy.
Memlekettik kirister komiteti tóraǵasynyń orynbasary Qairat Miiatov sol qujattyń negizgi erejelerine toqtaldy.
«Birinshisi – kepilde turǵan jalǵyz baspana sot arqyly bankrottyq rásimdeý kezinde alyp qoiýǵa jatady. Sot protsedýrasy júrgizilýi úshin belgilenetin shekti mólsheri 1600 AEK deńgeiinde bolady. Sondai-aq, birneshe shekteý bar. Olar: 5 jyl nesie alýǵa tyiym salý, 3 shetelge shyǵýǵa tyiym salý. Al bankrottyqty qaitalap rásimdeý úshin arada 7 jyl ótýi kerek», - dedi komitet tóraǵasynyń orynbasary.
