ورتالىق كوممۋنيكاتسييالار قىزمەتٸندە ٶتكەن دٶڭگەلەك ٷستەلدە قر قارجى مينيسترلٸگٸ مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى قايرات ميياتوۆ جەكە تۇلعانىڭ بانكروتتىعى تۋرالى زاڭ جوباسىنىڭ نەگٸزگٸ ەرەجەلەرٸن اتادى, دەپ حابارلايدى قازاقپارات.
اتالعان شارادا قارجى مينيسترلٸگٸنٸڭ ٶكٸلدەرٸ مەن ساراپشىلار, قوعامدىق ۇيىم ٶكٸلدەرٸ جەكە تۇلعانىڭ بانكروتتىعى تۋرالى زاڭ جوباسىنىڭ تالاپتارىن تالقىلادى.
وسى ماقساتپەن قۇرىلعان جۇمىس توبى زاڭ جوباسىنىڭ العاشقى نۇسقاسىن ورتاعا سالدى.
مەملەكەتتٸك كٸرٸستەر كوميتەتٸ تٶراعاسىنىڭ ورىنباسارى قايرات ميياتوۆ سول قۇجاتتىڭ نەگٸزگٸ ەرەجەلەرٸنە توقتالدى.
«بٸرٸنشٸسٸ – كەپٸلدە تۇرعان جالعىز باسپانا سوت ارقىلى بانكروتتىق رەسٸمدەۋ كەزٸندە الىپ قويۋعا جاتادى. سوت پروتسەدۋراسى جٷرگٸزٸلۋٸ ٷشٸن بەلگٸلەنەتٸن شەكتٸ مٶلشەرٸ 1600 اەك دەڭگەيٸندە بولادى. سونداي-اق, بٸرنەشە شەكتەۋ بار. ولار: 5 جىل نەسيە الۋعا تىيىم سالۋ, 3 شەتەلگە شىعۋعا تىيىم سالۋ. ال بانكروتتىقتى قايتالاپ رەسٸمدەۋ ٷشٸن ارادا 7 جىل ٶتۋٸ كەرەك», - دەدٸ كوميتەت تٶراعاسىنىڭ ورىنباسارى.
