Foto: elements.envato.com
Jeke tulǵalardyń bankrottyqqa ótinim qabyldaý protsedýrasy tolyq daiyn. Bul týraly Qarjy vitse-ministri Erjan Birjanov aitty, dep habarlaidy QazAqparat.
«Qarjy ministrligi men ózge de múddeli memlekettik organdar 3 naýryzdan bastap ótinim qabyldaý protsedýrasyn tolyqtai daiyndady. Birden aita keteiin, jeke tulǵalardyń bankrottyǵyn júzege asyrý merzimi joq. Elimizde buǵan deiin júrgizilgen avtokólikterdi, kapitaldy zańdastyrýmen salystyrǵanda zańnyń («Qazaqstan Respýblikasy azamattarynyń tólem qabilettiligin qalpyna keltirý jáne bankrottyǵy týraly» - avtor) kezeńi boiynsha qandai da bir shekteý joq. Sondyqtan da, qandai da bir sheshim qabyldanǵanda, ol aqylǵa qonymdy bolýy tiis. Memleket tarapynan eshqandai shekteý bolmaidy», - dedi ol Ortalyq kommýnikatsiialar qyzmetindegi baspasóz máslihatynda.
Vitse-ministrdiń atap ótýinshe, tiisti aqparattyq júie ázirlengen. Sol arqyly ótinimderdiń basym bóligin qabyldaý josparlanyp otyr. Bul úshin memlekettik organdar men bankter 40 aqparattyq ózara is-qimyldy júzege asyrdy. Júie synaqtan ótken ári ótinimderdi qabyldaýǵa daiyn.
