Foto: Astanatv.kz
Qazaqstanda azamattarǵa óz jeke derekteriniń jelige tarap ketken-ketpegenin tekserýge múmkindik beretin jańa servis iske qosylmaq. Bul týraly Májilis depýtaty Ekaterina Smyshliaeva málimdedi, dep habarlaidy Ult.kz.
Jańa júie tsifrlyq qaýipsizdik týraly zań aiasynda qurylyp jatyr. Arnaiy memlekettik platforma arqyly kez kelgen adam JSN, telefon nómiri nemese mekenjaiy internetke tarap ketkenin teksere alady. Bul óz kezeginde azamattarǵa der kezinde qupiia sózderin ózgertip, bank kartalaryn buǵattaýǵa múmkindik beredi.
Sonymen qatar, bilik ashyq derekterdegi jeke aqparatty qorǵaýdy kúsheitpek. Qazir sot sheshimderi men memlekettik satyp alý qujattarynda azamattardyń jeke málimetteri jii jariia bolyp ketedi.
Endi mundai qujattarda derekterdi búrkemeleý jáne heshteý talaptary engiziledi, iaǵni aty-jóni men mekenjaiy jasyrylady nemese arnaiy belgilermen almastyrylady.
Budan bólek, jeke derekterdiń taralýyna jol bergenderge jaza qatańdaidy. Aqparattyń jappai tarap ketýi úshin qylmystyq jaýapkershilik engizý qarastyrylyp jatyr.
Al derekter qaýipsizdigin saqtamaǵan kompaniialarǵa salynatyn aiyppul kólemi 5000 AEK-ke deiin ulǵaiýy múmkin. Memlekettik bazalar da qorǵalyp, olardan málimetterdi jappai júkteý múmkindigi shekteledi.
