فوتو: Astanatv.kz
قازاقستاندا ازاماتتارعا ٶز جەكە دەرەكتەرٸنٸڭ جەلٸگە تاراپ كەتكەن-كەتپەگەنٸن تەكسەرۋگە مٷمكٸندٸك بەرەتٸن جاڭا سەرۆيس ٸسكە قوسىلماق. بۇل تۋرالى مەجٸلٸس دەپۋتاتى ەكاتەرينا سمىشلياەۆا مەلٸمدەدٸ, دەپ حابارلايدى Ult.kz.
جاڭا جٷيە تسيفرلىق قاۋٸپسٸزدٸك تۋرالى زاڭ اياسىندا قۇرىلىپ جاتىر. ارنايى مەملەكەتتٸك پلاتفورما ارقىلى كەز كەلگەن ادام جسن, تەلەفون نٶمٸرٸ نەمەسە مەكەنجايى ينتەرنەتكە تاراپ كەتكەنٸن تەكسەرە الادى. بۇل ٶز كەزەگٸندە ازاماتتارعا دەر كەزٸندە قۇپييا سٶزدەرٸن ٶزگەرتٸپ, بانك كارتالارىن بۇعاتتاۋعا مٷمكٸندٸك بەرەدٸ.
سونىمەن قاتار, بيلٸك اشىق دەرەكتەردەگٸ جەكە اقپاراتتى قورعاۋدى كٷشەيتپەك. قازٸر سوت شەشٸمدەرٸ مەن مەملەكەتتٸك ساتىپ الۋ قۇجاتتارىندا ازاماتتاردىڭ جەكە مەلٸمەتتەرٸ جيٸ جارييا بولىپ كەتەدٸ.
ەندٸ مۇنداي قۇجاتتاردا دەرەكتەردٸ بٷركەمەلەۋ جەنە حەشتەۋ تالاپتارى ەنگٸزٸلەدٸ, ياعني اتى-جٶنٸ مەن مەكەنجايى جاسىرىلادى نەمەسە ارنايى بەلگٸلەرمەن الماستىرىلادى.
بۇدان بٶلەك, جەكە دەرەكتەردٸڭ تارالۋىنا جول بەرگەندەرگە جازا قاتاڭدايدى. اقپاراتتىڭ جاپپاي تاراپ كەتۋٸ ٷشٸن قىلمىستىق جاۋاپكەرشٸلٸك ەنگٸزۋ قاراستىرىلىپ جاتىر.
ال دەرەكتەر قاۋٸپسٸزدٸگٸن ساقتاماعان كومپانييالارعا سالىناتىن ايىپپۇل كٶلەمٸ 5000 اەك-كە دەيٸن ۇلعايۋى مٷمكٸن. مەملەكەتتٸك بازالار دا قورعالىپ, ولاردان مەلٸمەتتەردٸ جاپپاي جٷكتەۋ مٷمكٸندٸگٸ شەكتەلەدٸ.
